Ny turne «Med kjærleik frå Breim»
Sigrid Moldestad legg ut på ein ny sesong med soloturneen ho har kalla «Med kjærleik frå Breim». Ho tek utgangspunkt i historiene, slåttane og songane sine i eit nært og levande møte med publikum. Konserten er tilpassa mindre plassar/bygder og rom og målet med denne konsertforteljinga er å kome tett på publikum.
Billetter blir synlige og tilgjengelige her: https://www.eventim.no/
Sigrid tek utgangspunkt i sine lokale og personlege historier, og publikum får møte både tradisjonsberaren og skaparen. Ho står sterkt i dei folkemusikalske røtene i Breim, men har også hatt skapartrong og skrive eigne tekstar og songar, i tillegg til tonesetjingar av andre. Sigrid Moldestad turnerte med denne konserten vår og sommar 2024, og har no vidareutvikla ein ny versjon som ho tek med seg vinteren 2025.
Meldingar om fyrste turneen med «Med kjærleik frå Breim»:
Tett på publikum, trollbatt ho publikummet sitt. ( Eksingedalen)
Heilt fantastisk å høyre både song, musikk og forteljing! Tårer i augene og ståpels
Vekselen mellom historieforteljing, vakker song og fengande slåttar var magisk