Frå årsmøte 15.mars 2025
Laurdag 15.mars var det årsmøte i Botnane og Årebrot grendalag i Årebrot grendahus med om lag 20 frammøtte. Årsmøte godkjende årsmelding og rekneskap, og vedtok arbeidsplan for budsjett. Laget har hatt stor aktivitet og arbeidd med mange saker, i tillegg til at laget driftar og vedlikeheld to grendahus, eitt i Botnane som Bremanger kommune eig, og eit på Årebrot som grendalaget eig.
Grendalaget har mange tiltak, saker og arrangement på arbeidsplanen. Alle vedtak vart gjort samrøystes med unnantak av at kontingenten for 2026 vart auka til 200 kroner for vaksne. Kontingenten for dei mellom 7 og 18 år skal som før vere 5o kr, og for dei under 7 år er det gratis å vere medlem i laget. I debatten vart det peika på at som medlem har du ein klar fordel med svært rimeleg leige av lokale i dei to grendahusa. Men det vart også gjeve uttrykk for at ein del ville la vere å vere medlem med ein auke i kontingenten.
Under er det lenkje til alle dokumenta på årsmøte. Dei vil bli oppdaterte når endringar som vart vedteke på årsmøte er lagt inn.
Helsing
Åsmund Berthelsen
(leiar i styret)
Balanse Botnane og Årebrot Grendalag 2024
Detaljert balanse Botnane og Årebrot Grendaleg 2024
